حسم مطرب المهرجانات عمر كمال حقيقة زواجه من ندى كامل طليقة الممثل المصري احمد الفيشاوي، وذلك بعد انتشار صورة له خلال الساعات الماضية ظهر فيها برفقة مأذون.
ونفى كمال ان يكون قد تزوج من كامل، وكتب عبر صفحته الخاصة عبر موقع فيسبوك:”السلام عليكم.. امبارح شوفت صديقى الدكتور أسامة قابيل بعد شغله ونورني وكان قعدة جميلة .. وأخدنا صور عادية بعد القعدة وكان لابس اللبس الأزهري الجميل لأنه بعد شغله.. الناس في لحظة ربطت ده أنه كتبت كتابي وبحاجات شخصية في حياتي”.
واضاف:”مع أني كنت لابس شورت وكاب وقاعد في قعدة خاصة جدًا مع ناس بحبها.. ليه يا جماعة فيه ناس عندها إصرار تخليني اطلع كلام مش عاوز اقوله وتفتش ورايا.. وليه الناس متراعيش ان كل واحد ليه أهل وأسرة بيعملهم مشاكل معاهم بكل كلمة غلط بتنزل”.
وتابع:”أنا حتى يوم ما أتجوز مش هدخل حياتي الشخصية في السوشيال ميديا إطلاقًا.. ياريت يا جماعة تسيبوني في حالة وتراعوا ربنا في سيرة الناس وفيه حاجات ف مصر أهم 100 مرة منى ومن أخبارى الشخصية”.
