علقت الفنانة الأردنية نداء شرارة على نصائح عدد من متابعيها على مواقع التواصل الذين اشاروا الى ضرورة خضوعها لجراحة تجميل في الأنف لتحسين مظهرها، مؤكدة أنها مقتنعة بنصيبها من الجمال وتشعر أن ملامح وجهها لطيفة.
وفي منشور على حسابها عبر فيسبوك، قالت نداء شرارة: “أنا بشوف وجهي لطيف، الحمد لله، كتير بيعتولي بس لو تعملي منخارك بتصيري أحلى، أو حتى تعليقات إن أنتِ فنانة لازم تعملي منخارك كتير بتتغيري، وآخر تعليق وصلني منخارك زي البتنجانة.. ضحكت”.
وتابعت: “بعرف منخاري مش أحلى شيء، وفي زوايا لما يصوروني منها بحسها بتنصح وجهي، وبعرف أني مش دائماً بعطي عمري، يمكن بعطي أوقات أكتر من عمري، وأكيد وجهي مش أحلى وجه بالعالم، بس أنا وجهي كله محبة، كله قبول”.
وأضافت نداء: “أنا عمري ما اتطلعت على المراية وما قلت الحمد لله على كل شيء، بحب حالي ومقتنعة إنه هاد نصيبي من الجمال، عمري ما اهتميت بكيف ممكن الناس تشوفني من برا، قد ما بهتم كيف رح يشوفوني من جوا، والناس بيشوفوني حلوة لأني بشوف حالي حلوة، لأنه الطيبة اللي بداخلي مزروعة بملامحي، وأنا راضية بشكلي الحمد لله”.
وختمت نداء شرارة كلامها بالقول: “حبوا حالكم كيف ما كنتوا، رب العالمين ما خلق شيء مش حلو.. حبيت أشارككم ما يدور في ذهني”.
