رد الفنان والملحن المصري، حسام حبيب، على الهجوم الذي تعرض له من قبل والده، حسين حبيب، بعد تصريحات الأول عن الأزمة التي تعرضت له طليقته الفنانة شيرين عبد الوهاب.
ووثق حبيب رسالة إلى والده عبر خاصية “الستوري” بحسابه في “إنستغرام”، أكد خلالها اعتزازه بتربيته على يدي والدته، معلقا: “أنا ليا الشرف إني تربية ست لأنها بميت راجل، وتربية الست دي هي اللي هاتخليني ماردش عليك، حسبي الله ونعم الوكيل”.
والد حسام حبيب يفتح النار عليه
وكان حسين حبيب، والد الفنان حسام حبيب، قد شن هجوما قاسيا على نجله عقب تصريحاته التي أثارت جدلا واسعا عن طليقته الفنانة شيرين عبد الوهاب، وأزمة احتجازها في مصحة نفسية للعلاج من الإدمان.
وأكد حبيب أن تصرفات ابنه مع شيرين عبد الوهاب خاطئة، إذ كتب عبر حسابه في فيسبوك: ”هو ينفع أخالف شرع ربنا بحجة إني أحمي أولادي البنات؟ ليها الثلثين والأهل ليهم الثلث بعد عمر طويل“.
وأضاف: ”حطمت زوجتك بجهلك بشرع ربنا، ولو كنت بتسأل أبوك كان أرشدك للحق والكل طلع كسبان يا قاطع صلة الرحم وعاصي أبوك“.
وقال في منشور آخر: ”إنت بتقول لما رجعت ليها العربية، واحد بيشتغل معاها أخد العربية اللي بخمسة مليون وقالها هابقي أديكي بيها شغل، وواحد محاسب تعرفه قريب شكالها حاله أعطت له 100 ألف دولار وخلع، وإنها بتكتب شيكات للناس على بياض“.
وتابع: ”إنت كده بتدي مبرر لأهلها ليحجروا عليها وبتطلعها إنها سفيهة وعبيطة، وأنا من معرفتي بيها أنها واعية وناصحة، بتيجي تكحلها تعميها، اسأل أبوك يقولك تقول إيه“.
وأوضح: ”رايح تقول لعمرو أديب إنك ماتعرفنيش من 14 سنة، آه ما بتعرفنيش إلا للمصلحة، وعشان تاخد فلوس، وما دخلتش بيتي سبع سنين وجيت بس تاخد فلوس وقلت ما بتشتغلش عشان شيرين ومشاكلها كانت شغلاك بقالك سنة مطلقاها ما اشتغلتش ليه بطل حجج، وخليك راجل أنت فعلا مش تربيتي، ست طلعت من بيت مامي على بيت مراتك“.
وأضاف حول شقيق شيرين: ”هو ينفع؟ أخوها بقاله أكتر من عشرين سنة بيراعي أخته وهي مصدر رزقه أجي أقفل عليه الحنفية ويقعد أربع سنين من غير شغل وراجع تاني تقفل عليه الحنفية هو وأمه وأخته وعايز يسيبك، يا ناوي على قوتي يا ناوي على موتي، الزوج يتعوض الأم والأخ ما يتعوضوش“.
فوشيا